12 / 45 · 0%
12 / 451 мин

Түсінікпен иман ету

12-қара сөз · Сәлдедегі надан

Кімде-кім жақсы-жаман ғибадат қылып жүрсе, оны ол ғибадаттан тыюға аузымыз бармайды, әйтеуір жақсылыққа қылған ниеттің жамандығы жоқ қой дейміз. Ләкин, сондай адамдар толымды ғибадатқа ғылымы жетпесе де, қылса екен. Бірақ оның екі шарты бар, соны білсе екен. Әуелі - иманның иғтиқатын махкамлемек керек, екінші - үйреніп жеткенше осы да болады ғой демей, үйрене берсе керек. Кімде-кім үйреніп жетпей жатып, үйренгенін қойса, оны құдай ұрды, ғибадаты ғибадат болмайды.

Уа-ләкин, кімде-кім иманның неше нәрсе бірлән кәмәләт табатұғынын білмей, қанша жерден бұзылатұғынын білмей, басына шалма орап, бірәдар атын көтеріп, оразашыл, намазшыл болып жүрген көңілге қалың бермей тұрып, жыртысын салғанға ұқсайды. Күзетшісіз, ескерусіз иман тұрмайды, ықыласыменен өзін-өзі аңдып, шын діни шыншылдап жаны ашып тұрмаса, салғырттың иманы бар деп болмайды.

0 Келесі сөз13. Саналы иман

Түсіндірме

12-қара сөз · Сәлдедегі надан

Негізгі ой

Абай ғибадат қылған адамды сынамайды, бірақ шын иман үшін екі шарт керек дейді: иманды берік ұстау және үйренуді тоқтатпау. Иманның мәнін білмей, тек сырт көрініспен жүрген адамның иманы толық емес.

Қарапайым тілмен

  • Жақсы ниетпен ғибадат қылғанды тыюға аузымыз бармайды: «жақсылыққа қылған ниеттің жамандығы жоқ».
  • Бірінші шарт — иманның сенімін берік қылу; екінші — «осы да болады ғой» демей, үйрене беру.
  • Үйреніп жетпей тұрып үйренуді қойған адамның ғибадаты ғибадат болмайды.
  • Иманның немен кемелденетінін, немен бұзылатынын білмей, басына шалма орап, оразашыл, намазшыл болып жүру — тек сыртқы көрініс.
  • Күзетсіз, ескерусіз иман тұрмайды: адам өзін-өзі аңдып, шын жаны ашып тұруы керек.

Қиын сөздер

Иман
құдайға шын сену, сенім.
Иғтиқат
сенім, наным.
Махкамлемек
бекіту, берік қылу.
Кәмәләт
кемелдік, толықтық.
Шалма
сәлде, басқа оралатын мата.
Салғырт
немқұрайды, бейжай.

Ойлануға сұрақ

Сенің сенімің түсінікке сүйене ме, әлде тек әдетке ме?

Бұл — редакцияның түсіндірмесі, Абайдың сөзі емес. Жасанды интеллект көмегімен дайындалды.

Цитатамен бөлісу